1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Հայաստանի պետական սիմֆոնիկ նվագախումբը 2020-2021 hամերգաշրջանի փակման համերգային երեկոն կնվիրի մեծանուն կոմպոզիտոր, մանկավարժ, ՀՀ և ԽՍՀՄ ժողովրդական արտիստ, մշակութային, հասարակական գործիչ Էդվարդ Միրզոյանի 100-ամյակին։
«Արմենպրես»-ի հաղորդմամբ՝ համերգը տեղի կունենա հուլիսի 15-ին «Արամ Խաչատրյան» համերգասրահում:
Կհնչեն Լյուդվիգ Վան Բեթհովենի Դաշնամուրի կոնցերտ թիվ 3 դո մինոր, երկ 37-ը (մենակատար՝ դաշնակահար Դմիտրի Իշխանով), Էդվարդ Միրզոյանի Քնարական պատկեր «Շուշանիկ», Սիմֆոնիա գոսերի և լարայինների համար (Գոսերի մենանվագը՝ Էդուարդ Պապոյանի) և կինոերաժշտությունը:
Համերգը կղեկավարի Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը: