Թուրքիան ՌԴ-ից կընդունի ցանկացած պատվաստանյութով պատվաստված զբոսաշրջիկների
1 րոպեի ընթերցում
![Թուրքիան ՌԴ-ից կընդունի ցանկացած պատվաստանյութով պատվաստված զբոսաշրջիկների](http://armenpress.am/resized/480/static/news/b/2021/06/1057024.jpg)
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Թուրքիայի արտաքին գործերի նախարար Մևլութ Չավուշօղլուն հայտարարել է, որ իր երկիրն ընդունելու է Ռուսաստանում գրանցված ցանկացած տեսակի պատվաստանյութով պատվաստված ՌԴ քաղաքացիներին: Ինչպես փոխանցում է«Արմենպրես»-ը, այս մասին հայտնում է «ՌԻԱ Նովոստի»-ն:
ՌԴ-ի և Թուրքիայի միջև թռիչքները սահմանափակվել էին ապրիլի 15-ից՝ կորոնավիրուսային իրավիճակի վատթարացման հետևանքով: Հունիսի 22-ից Ռուսաստանը հանել է բոլոր սահմանափակումները:
«Ամբողջությամբ պատվաստված ռուս զբոսաշրջիկներից մենք ընդունում ենք փաստաթղթեր Ռուսաստանում կիրառվող ցանկացած պատվաստանյութով պատվաստման վերաբերյալ: Բոլոր նրանք, ովքեր պատվաստված չեն լինի, մենք կպահանջենք ՊՇՌ թեստ»,- հայտնել է Թուրքիայի ԱԳ նախարարը՝ Անթալիայում ՌԴ արտգործնախարար Սերգեյ Լավրովի հետ հանդիպումից հետո հրավիրված մամուլի ասուլիսի ժամանակ: