1 րոպեի ընթերցում
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Երևանի Կոմիտասի անվան պետական կոնսերվատորիայի ակադեմիական երգեցողության ամբիոնի շրջանավարտները բուհի 100-ամյակի առթիվ հանդես կգան «Սիրեցէք զիրար, շատ սիրեցէք, որպեսզի ապրէք» համերգով:
«Արմենպրես»-ի հաղորդմամբ՝ երեկոն տեղի կունենա հունիսի 22-ին «Առնո Բաբաջանյան» համերգասրահում:
Համերգի համար որպես խորագիր ընտրված են Կոմիտասի հանրահայտ խոսքերը։
Կոնսերվատորիայի առաքելություններից է հանրապետությունում բազմաճյուղ երաժշտական և մեթոդական ցանցի համակարգումը: Որպես Հայաստանի երաժշտական կյանքի և երաժշտական մշակույթի մայր բուհ` կոնսերվատորիան ինքն էլ ամրանում և կատարելագործվում է` գտնելով ուսումնական գործընթացը ղեկավարելու և ստեղծագործաբար հարստացնելու նորանոր ձևեր: