«Պատիվ ունեմ» դաշինքը հնարավոր չի համարում արտահերթ խորհրդարանական ընտրությունների երկրորդ փուլը

ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: «Պատիվ ունեմ» դաշինքը հնարավոր չի համարում արտահերթ խորհրդարանական ընտրությունների երկրորդ փուլը, քանի որ վստահ է, որ առաջին փուլում ազգային ընդդիմությունը կունենա 50+1 ձայն:

«Կարծում եմ, որ ագային ընդդիմությունն առաջին իսկ փուլում կուննենա 50+1 ձայնը: Հայաստանում իշխանության կգան ազգային ուժեր, և դրանցից մեկը աներկբա և հաստատակամորեն կլինի «Պատիվ ունեմ» դաշինքը: Ես երկրորդ փուլ չեմ տեսնում, հենց առաջին փուլում ազգային ուժերն ու հայ ժողովուրդը հաջողության են հասնելու»,- «Արմենպրես»-ի հաղորդմամբ՝ մամուլի ասուլիսի ժամանակ այս մասին ասաց ՀՀԿ խոսնակ, «Պատիվ ունեմ» դաշինքի ներկայացուցիչ Էդուարդ Շարմազանովը:

Նրա խոսքով՝ հունիսի 20-ին տեղի ունեցող ընտրություններին հայ ժողովուրդը պետք է կարծր և հստակ ձևով դրսևորի քաղաքացիական իր որոշումը: