1 րոպեի ընթերցում
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: 5165 շարժման նախընտրական քարոզարշավը մեկնարկել է Աղձք բնակավայրից, որտեղ գտնվում է Արշակունի թագավորների դամբարանը։
Ինչպես «Արմենպրես»-ին տեղեկացրին 5165 շարժունից, արշավի մեկնարկի նման ձևաչափը խորհուրդ ուներ՝ ցուցադրելու, որ Հայաստանի պետականությունն ու ինքնիշխանությունը խորը արմատներ ունեն, որոնք հնարավոր չի պոկել հայկական հողից։«Շարժումն այս քայլով նպատակ ուներ ցուցադրել նաև, որ Հայաստանը ունի հզորագույն ներուժ, որով հնարավոր է վերականգնել ինչպես Ազգային բանակը, ամրապնդել պետականությունն ու ինքնիշխանությունը, այնպես էլ հայտ ներկայացնել՝ դառնալու տարածաշրջանային ծանրակշիռ գործոն»,- ասվում է հաղորդագրության մեջ։