1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Իտալական «Ինտեր» ֆուտբոլային ակումբի նոր գլխավոր մարզիչ է նշանակվել Սիմոնե Ինձագին:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Միլանը ներկայացնող ակումբի նոր գլխավոր մարզչի պայմանագիրը նախատեսված է երկու տարվա համար:
Ինձագին «Ինտեր»-ում փոխարինում է Անտոնիո Կոնտեին: Մինչ այս Ինձագին մարզում էր Հռոմի «Լացիոն», որտեղ սկսել է աշխատանքը 2016 թվականին: