1 րոպեի ընթերցում
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Երևանի Հալաբյան և Մարգարյան փողոցների միջանկյալ զբոսայգու տարածքում տեղադրված Հնդկաստանի հոգևոր առաջնորդ, քաղաքական գործիչ Մահաթմա Գանդիի հուշարձանի պղծման վերաբերյալ ոստիկանությունում նյութեր են նախապատրաստվում:
«Արմենպրես»-ի հետ զրույցում այս մասին ասացին ՀՀ ոստիկանության հասարակայնության հետ կապի և լրատվության վարչությունից:
«Դեպքի վերաբերյալ ԶԼՄ-ներում տեղ գտած հրապարակումները ստուգվել են: Արձանն ու պատվանդանը վնասված են: Այս պահին Մաշտոցի բաժնում նյութեր են նախապատրաստվում»,- նշեցին ոստիկանությունից:
Մահաթմա Գանդիի արձանը տեղադրելու որոշումը Երևան քաղաքի ավագանին կայացրել էր 2020 թվականի ապրիլի 28-ին: