Նիկոլ Փաշինյանն ու Վլադիմիր Պուտինը քննարկել են երկկողմ համագործակցության արդիական հարցեր
1 րոպեի ընթերցում
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հայաստանի Հանրապպետության վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: «Արմենպրես»-ի փոխանցմամբ՝ այս մասին հայտնում է Կրեմլի պաշտոնական կայքը:
Նշվում է, որ հեռախոսազրույցը կայացել է հայկական կողմի նախաձեռնությամբ:
Կրեմլի պաշտոնական կայքում հրապարակված հաղորդագրության մեջ նշվում է, որ շարունակվել են քննարկումները Լեռնային Ղարաբաղի շուրջ տիրող իրավիճակի վերաբերյալ: Գոհունակությամբ արձանագրվել է, որ ռուս խաղաղապահների ջանքերի շնորհիվ տարածաշրջանում իրավիճակը կայուն է և հանգիստ:
Մտքեր են փոխանակվել երկկողմ համագործակցության արդիական հարցերի, այդ թվում՝ էներգետիկ ոլորտի վերաբերյալ:
Նիկոլ Փաշինյանը տեղեկացրել է Հայաստանում տիրող ներքաղաքական իրավիճակի մասին՝ կապված հունիսին նախատեսվող արտահերթ խորհրդարանական ընտրությունների հետ: