388.33
Կառավարությունը 65 ստարտափ ընկերությունների կտրամադրի դրամաշնորհներ
1 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ։ ՀՀ կառավարության որոշմամբ 65 ստարտափ ընկերությունների կտրվեն դրամաշնորհներ՝ յուրաքանչյուրին 10-20 մլն դրամի սահմաններում:
Ինչպես փոխանցում է «Արմենպրես»-ը, այդ մասին կառավարության նիստում նշեց Բարձր տեխնոլոգիական արդյունաբերության նախարար Հակոբ Արշակյանը։ Մինչև 10 միլիոն դրամ կտրվի 23 ընկերության, մինչև 20 միլիոն դրամ՝ 42 ընկերության:
Միաժամանակ, նախարարը տեղեկացրեց, որ Հայաստանում 2020 թվականին տեղեկատվական տեխնոլոգիաների ոլորտում արձանագրվել է կայուն՝ 20,6 տոկոս, աճ, ստեղծվել է 3400-ից ավելի աշխատատեղ. աշխատատեղերի թիվն աճել է 22 տոկոսով։ «Այս պահին ոլորտում կա 18400 աշխատակից: 102 նոր ընկերություններ պետության կողմից արտոնագիր են ստացել հարկային արտոնություններ ունենալու համար»,-ասաց նա:
