Ադրբեջանը սկսել է Ֆիզուլիի միջազգային օդանավակայանի շինարարությունը
1 րոպեի ընթերցում
![Ադրբեջանը սկսել է Ֆիզուլիի միջազգային օդանավակայանի շինարարությունը](http://armenpress.am/resized/480/static/news/b/2021/02/1042035.jpg)
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ադրբեջանն իր վերահսկողության տակ անցած Ֆիզուլիում սկսել է միջազգային օդանավակայանի շինարարական աշխատանքները: Օդանավակայանի շինարարությունը նախատեսվում է ավարտել 2022թ. ապրիլ-մայիսին: «Արմենպրես»-ի փոխանցմամբ, Azertac լրատվական գործակալության օդանավակայանի շինարարական աշխատանքները իրականացնող կազմակերպության գլխավոր ինժեներ Ջավարագ Շիրիեւը հայտնել է, որ շինարարական աշխատանքները բավականին դանդաղում են, քանի որ տարածքում իրականացվում է ականազերծում:
«Այս տարվա գարնանից շինարարությունն իրականացվելու է արագացված տեմպերով և նախատեսվում է անցնել շուրջօրյա աշխատանքային ռեժիմի: Բացի այդ, այս տարի նախատեսվում է նաև ավարտել 3000 մետր երկարությամբ թռիչքուղու շինարարությունը », - նշել է Շիրիեւը: