367.47
ՌԴ նախագահը խորհրդակցություն է անցկացրել. քննարկվել են ԼՂ կարգավորմանը վերաբերող հարցեր
1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հանդիպումից առաջ Վլադիմիր Պուտինը հունվարի 10-ին խորհրդակցություն է անցկացրել:
«Արմենպրես»-ի հաղորդմամբ՝ այս մասին հայտնում է ՌԴ նախագահի պաշտոնական կայքէջը:
Քննարկվել են Լեռնային Ղարաբաղի հակամարտության կարգավորման և Հարավային Կովկասում տիրող իրավիճակին վերաբերող հարցեր:
«Լեռնայինղարաբաղյան կարգավորման խաղաղ գործընթացի ապահովման և, ընդհանուր առմամբ, Հարավային Կովկասում իրադրության հարցը միջազգային բնույթ է կրում»,-նշել է ՌԴ նախագահը։
Հանդիպմանը մասնակցել են ՌԴ Անվտանգության խորհրդի քարտուղար Նիկոլայ Պատրուշևը, Արտաքին գործերի նախարար Սերգեյ Լավրովը, Պաշտպանության նախարար Սերգեյ Շոյգուն, Անվտանգության դաշնային ծառայության տնօրեն Ալեքսանդր Բորտնիկովը, Արտաքին հետախուզության ծառայության տնօրեն Սերգեյ Նարիշկինը:
Բաժանորդագրվեք մեր ալիքին Telegram-ում