1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Իսրայելի բանակը հայտնել է Գազայի հատվածից արձակված երկու հրթիռ խոցելու մասին:
Ինչպես հաղորդում է «Արմենպրես»-ը` վկայակոչելով «ՏԱՍՍ»-ը, Իսրայելի բանակի մամուլի ծառայությունից տեղեկացրել են, որ հրթիռները խոցվել են «Երկաթե գմբեթ» հակաօդային պաշտպանության համակարգով:
«Հայտնում ենք, որ Գազայի հատվածից երկու հրթիռ է արձակվել Իսրայելի ուղղությամբ: Երկուսն էլ խոցվել են «Երկաթե գմբեթ» հակաօդային պաշտպանության համակարգով», - ասվում է հայտարարության մեջ:
Վերջին անգամ Գազայի հատվածից Իսրայելը հրթիռակոծվել էր նոյեմբերի 21-ին: Ի պատասխան՝ Իսրայելի կործանիչներն ու ուղղաթիռները գրոհ էին իրականացրել Գազայի հատվածում տեղակայված պաղեստինյան ռազմական դիրքերի ուղղությամբ: