Արսեն Բաբայանը և Արծվիկ Մինասյանը բերման են ենթարկվել ԱԱԾ. նրանք ներկայացվել են ՀՔԾ
1 րոպեի ընթերցում
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: «Հայրենիք» կուսակցության անդամ Արսեն Բաբայանը, ՀՅԴ անդամ Արծվիկ Մինասյանը բերման են ենթարկվել Ազգային անվտանգության ծառայություն:
«Արմենպրես»-ի հետ զրույցում այս մասին հայտնեցին ԱԱԾ-ից:
«Լուրը հաստատում ենք, տվյալ անձինք բերման են ենթարկվել: Նրանք ներկայացվել են վարույթն իրականացնող մարմին՝ Հատուկ քննչական ծառայություն»,- նշեցին ԱԱԾ-ից:
Նոյեմբերի 12-ին երեկոյան Մատենադարանի մոտից խորհրդարանական և արտախորհրդարանական ընդդիմության ներկայացուցիչները նախատեսում են հանրահավաք-երթ իրականացնել: 17 կուսակցություն հանրահավաք են հրավիրել՝ նշելով, որ ներկայացնելու են պատերազմի հետևանքով ստեղծված իրավիճակից ելքի իրենց տարբերակը:
Լիլիթ Դեմուրյան