1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց թիմի անդամ Հայկ Մարտիրոսյանը դուրս է եկել Junior Speed Chess մրցաշարի կիսաեզրափակիչ:
«Արմենպրես»-ի հաղորդմամբ` առցանց մրցաշարի քառորդ եզրափակիչում Մարտիրոսյանը մրցեց Իրանի ներկայացուցիչ Պարհամ Մագսուդուն հետ և պարտության մատնեց ընդհանուր 15-10 հաշվով: Դեռևս հայտնի չէ, թե ում հետ կմրցի հայ գրոսմայստերը կիսաեզրափակիչում:
Junior Speed Chess-ն անցկացվում է աշխարհի ուժեղագույն երիտասարդ շախմատիստների համար, որին այս տարի մասնակցում են 16-ը: Մրցաշարի մրցանակային ֆոնդը կազմում է 25 հազար ԱՄՆ դոլար: