Life

Մանկություն և պատանեկություն. Վահագ Ռաշը ներկայացրել է «Հուշեր» երգի տեսահոլովակը

2 րոպեի ընթերցում

Մանկություն և պատանեկություն. Վահագ Ռաշը ներկայացրել է «Հուշեր» երգի տեսահոլովակը

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Երգահան, երգիչ Վահագ Ռաշը նորություն ունի. նա երկրպագուներին է ներկայացրել նոր՝ «Հուշեր» երգի տեսահոլովակը։

«Արմենպրես»-ի հաղորդմամբ` երգի երաժշտության հեղինակն է Հասմիկ Արշակյանը, բառերը գրել է Վահագ Ռաշի մայրը՝ Անահիտ Սիմոնյանը։ Հասմիկ Արշակյանի երաժշտությամբ «Հուշերը» երգչի երրորդ երգն է։

«Հիշում եմ՝ Հասմիկը ուղարկեց երաժշտությունը, դեռ բառեր չկային։ Երևի հարյուր անգամ լսեցի, ամեն անգամ լսելուց տեղափոխվում էի մանկական հիշողությունների գիրկը՝ Արթիկի մեր բակը, մանկական խաղերը, բակի տատիկ և պապիկները, ծառերը, քարերը։ Երաժշտության ամեն մի մասնիկը ինձ հիշեցնում էր իմ մանկության դրվագները։ Հասմիկին ասացի, որ երգը պետք է լինի բակի մասին։ Քաղցր ու անջնջելի մանկական, պատանեկան հիշողությունների մասին։ Հասմիկը համաձայնեց՝ չնայած որ ինքն ավելի շատ հակված էր երգի սիրային տարբերակին: Բացատրեցի ամբողջությամբ մայրիկին, թե ինչ եմ ուզում, մայրս էլ էր ինձ հետ համաձայն, որ երաժշտությունը հենց դա էր հուշում։ Այդպես գրվեցին երգի բառերը։ Դիմեցի Վահան Նահապետյանին՝ գործիքավորման համար։ Երգի վերջնական հնչողությունն էլ ապահովեց ընկերս` Սերգեյ Գասպարյանը»,- նշում է Վահագը։

Ռեժիսոր Սերժ Գաբյանը «Հուշերի» համար ստեղծել է մի հոլովակ, որը հավաքված է երգի բառերով։ Վահագ Ռաշը համոզված է, որ յուրաքանչյուր ունկնդիր, լսելով երգը, տեղափոխվելու է իր մանկություն, հուզվելու է ու վերհիշելու այդ քաղցր պահերը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում