Կոուտինյոն հեռացել է «Բավարիա»-ից

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: «Բարսելոնա»-ի բրազիլացի ֆուտբոլիստ Ֆիլիպե Կոուտինյոն, ով վարձավճարով հանդես էր գալիս Մյունխենի «Բավարիա»-ում, հեռացել է գերմանական ակումբից:

«Արմենպրես»-ի հաղորդմամբ` այս մասին հայտնում է մյոնխենյան ակումբի մամուլի ծառայությունը: Կոուտինյոն վերադարձել է «Բարսելոնա»:

Ավելի վաղ լուրեր կային, որ «Բարսելոնա»-ի բրազիլացի ֆուտբոլիստ Ֆիլիպե Կոուտինյոն կարող է միանալ Լոնդոնի «Արսենալ»-ին: 28-ամյա կիսապաշտպանը այցելել էր «Արսենալ»-ի մարզաբազա: Բրազիլացին իր գործակալի հետ քննարկել է լոնդոնյան ակումբի տեղափոխվելու հնարավորությունը: Կողմերը համաձայնոթյան են եկել անձնական պայմանագրի կետերի շուրջ:

Կոուտինյոն 2019 թվականի օգոստոսին վարձավճարով «Բարսելոնա»-ից տեղափոխվել էր «Բավարիա»:

Պատրաստեց Վարվառա Հայրապետյանը