2 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը սեպտեմբերի 2-ին վերսկել Է կոլեկտիվ ունկնդրությունները հավատացյալների ներկայությամբ, մարտ ամսվա սկզբին դրանք դադարեցվել Էին կորոնավիրուսի տարածման պատճառով: Ինչպես տեղեկացնում Է «Արմենպրես»-ը, հեռարձակումը տրվել Է Vatican News պորտալում:
«Այդքան ամիսներից հետո մենք վերսկսում ենք մեր հանդիպումները դեմ առ դեմ, այլ ոչ թե Էկրան առ Էկրան, դա հիանալի Է,- ասել Է քահանայապետը:- Համավարակը ցույց տվեց, թե ինչպես ենք մենք բոլորս կախված միմյանցից (…) Ճգնաժամից մարդը դուրս չի գալիս նախկինը. նա դառնում Է կա՛մ ավելի լավը, կա՛մ ավելի վատը: Մենք պետք Է ընտրենք (…) Այս ճգնաժամից մենք պետք Է դուրս գանք միասին՝ ավելի լավը դառնալու համար»:
Ունկնդրությունը տեղի Է ունեցել բացօթյա Առաքելական պալատի Սուրբ Դամասի բակում, բոլոր հավատացյալները եղել են պաշտպանական դիմակներով: Միջոցառմանը մասնակցելու համար հրավիրատոմսեր չեն պահանջվում: Սովորաբար կոլեկտիվ ունկնդրությունները տեղի են ունենում Վատիկանի Պողոս VI-ի փակ դահլիճում, երբեմն Սուրբ Պետրոսի հրապարակում: Մարտ ամսվա սկզբից Ֆրանցիսկոսը կոլեկտիվ ունկնդրություններն անցկացրել Է Առաքելական պալատի գրադարանից, դրանք հեռարձակվել են առցանց, հաղորդել Է ՏԱՍՍ-ը: