1 րոպեի ընթերցում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Մեծ Բրիտանիայի ոստիկանության հակաահաբեկչական ստորաբաժանման աշխատակիցները ձերբակալել են երկու քաղաքացիների, որոնք Վիեննայից Լոնդոն Էին ժամանել Ryanair ընկերության ինքնաթիռով: Այդ մասին, ինչպես տեղեկացնում Է «Արմենպրես»-ը, հաղորդել են բրիտանական ԶԼՄ-ները:
Ձերբակալվածներն են՝ 34-ամյա տղամարդը՝ Քուվեյթից եւ 48-ամյա տղամարդը՝ Իտալիայից: Նրանք Վիեննայից չվերթով Լոնդոնի «Սթանսթեդ» օդանավակայան են ժամանել օգոստոսի 30-ի ուշ երեկոյան:
Չվերթի անձնակազմը թռիչքի ժամանակ ծանուցել Է ինքնաթիռում սպառնալիքի մասին, իսկ ինքնաթիռը վայրԷջքից առաջ ուղեկցել են երկու կործանիչներ: Այժմ ձերբակալվածներին հարցաքննում Է ոստիկանությունը, հաղորդել Է «Ինտերֆաքս»-ը: