Իրանի ԱԳՆ-ն ԱՄԷ-ի դիվանագետին կանչել Է ձկնորսական նավերի գնդակոծման պատճառով

ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Իրանի արտաքին գործերի նախարարությունը Թեհրանում Արաբական Միացյալ Էմիրությունների (ԱՄԷ) գործերի հավատարմատարին կանչել Է «իրանական ձկնորսական նավերի գնդակոծման» կապակցությամբ: Այդ մասին, ինչպես տեղեկացնում Է «Արմենպրես»-ը, գերատեսչությունը հայտնել Է օգոստոսի 20-ին:

Նրա տվյալներով՝ միջադեպը տեղի Է ունեցել օգոստոսի 17-ին Պարսից ծոցում, երբ, ինչպես պնդում են նախարարությունում, մի քանի նավ գնդակոծման են ենթարկվել ԱՄԷ-ի առափնյա պահպանության կողմից, նավերից մեկը կալանվել Է, զոհվել Է երկու ձկնորս:

«Իրանի ԱԳՆ-ում ընդգծել են ձերբակալվածներին, ինչպես նաեւ նավն ազատ արձակելու, մարմինները հանձնելու անհրաժեշտությունը՝ պահանջելով փոխհատուցել պատճառած վնասը եւ անհրաժեշտ միջոցներ ձեռնարկել նմանօրինակ դեպքերը կանխելու ուղղությամբ»,-ասված Է ռելիզում:

Իրանի ԱԳ նախարարությունը նաեւ դատապարտել Է ձկնորսների նկատմամբ ԱՄԷ-ի առափնյա պահպանության գործողությունները, դրանք համարելով անօրինական, եւ ընդգծելով, որ դրանց համար պատասխանատվությունն ընկած Է երկրի իշխանությունների վրա:

Իր հերթին ԱՄԷ-ի դիվանագետը ափսոսանք Է հայտնել տեղի ունեցածի կապակցությամբ, իսկ Էմիրությունների իշխանությունները, ինչպես նշում Է Իրանի ԱԳՆ-ն, հայտարարել են պատճառած վնասը փոխհատուցելու պատրաստականության մասին: Նաեւ բավարարվել Է ձերբակալվածներին եւ նավը ազատ արձակելու պահանջը, տեղեկացնում Է ՌԻԱ Նովոստին: