«Միլանը» երկարաձգել է պայմանագիրը գլխավոր մարզչի հետ 

ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Իտալական «Միլանը» երկարաձգել է պայմանագիրը գլխավոր մարզիչ Ստեֆանո Պիոլինիի հետ:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Նոր պայմանագիրը նախատեսված է մինչև 2022 թվականը:

Պիոլին «Միլանի» գլխավոր մարզչի պաշտոնը ստանձնել է նախորդ տարվա հոկտեմբերին:

Իտալիայի ընթացիկ առաջնությունում «Միլանը» մրցաշարային աղյուսակում ընթանում է 5-րդ տեղում:

Պատրաստեց Վարվառա Հայրապետյանը