1 րոպեի ընթերցում
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ։ Նոր տիպի կորոնավիրուսի դեմ Օքսֆորդի համալսարանի հետազոտողների կողմից ստեղծված պատվաստանյութը հաջողությամբ անցել է կլինիկական փորձարկումների առաջին փուլը՝ ցուցադրելով արդյունավետության և անվտանգության նշաններ:
Ինչպես հաղորդում է «Արմենպրես»-ը՝ վկայակոչելով «ՏԱՍՍ»-ը, այս մասին ասված է բրիտանական The Lancet բժշկական հանդեսում։
Պարբերականը տեղեկացնում է, որ պատվաստված անձանց մոտ նկատվել են թեթև կողմնակի բարդություններ՝ թուլության և գլխացավի տեսքով, որոնք մեղմացել են պարացետամոլ ընդունելուց հետո։
«Չեզոքացնող հակամարմինները հայտնվել են մասնակցիներից ավելի քան 90 տոկոսի մոտ։ Պատվաստանյութ ստացողների մոտ նույնպես նկատվել է T-լիմֆոցիտների քանակի բարձրացում, որոնց խնդիրն է ախտահարված բջիջների ոչնչացումը։
Երկուշաբթի պարբերականը հրապարակել է նաև պատվաստանյութի կլինիկական փորձարկումների երկրորդ փուլի արդյունքները, որը Ուհանում մշակվել է պրոֆեսոր Վեյ Չենի ղեկավարությամբ հետազոտողների թիմի կողմից:
Երկու դեղն էլ նման են իրար, երկուսն էլ մշակվել են ադենովիրուսի վեկտորի հիման վրա։
Պատրաստեց Լիլիթ Դեմուրյանը