1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ռուսաստանում վերջին մեկ օրում վարակվածների թիվն ավելացել է 7 հազար 176-ով՝ ընդհանուրը դառնալով 606 հազար 881:
«Արմենպրես»-ի հաղորդմամբ, ՏԱՍՍ գործակալությունը ներկայացնում է կորոնավիրուսի տարածման դեմ պայքարի օպերատիվ շտաբի տվյալները:
Շտաբի տվյալների համաձայն՝ օրվա կտրվածքով վարակվածության աճն այս անգամ ռեկորդային ցածր է եղել՝ կազմելով 1.2 տոկոս:
Ներկա պահին բուժհաստատություններում բուժում է ստանում 229 հազար 546 մարդ: Վերջին մեկ օրում ապաքինվածների թիվն ավելացել է 12 հազար 393-ով՝ դառնալով 368 հազար 822: Սա բարձր ցուցանիշ է, այն ընդհանուր վարակվածների թվի 60.7 տոկոսն է: Կորոնավիրուսի հետևանքով Ռուսատանում մահերի թիվը կազմում է 8 հազար 513: