1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Հայաստանի պետական սիմֆոնիկ նվագախումբն առաջարկում է հունիսի 25-ին՝ ժամը 20:00-ին, միանալ առցանց ցուցադրությանը և տանն ունկնդրել Ալեքսանդր Բորոդինի թիվ 2 «Դյուցազնական» սիմֆոնիան։
«Արմենպրես»-ի հաղորդմամբ՝ համերգը ղեկավարել է Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։
Առցանց ցուցադրության հատուկ հյուրերն են «ԴասA» կրթամշակութային նախագծի մասնակիցները։
Ցուցադրությանը հնարավոր է հետևել նաև «DAS A» հավելվածի միջոցով։
Android: http://bit.ly/2v5Jo3r
Պատանիների մշակութային կրթությանն ուղղված «ԴասA» նախագիծը միտված է կրթության բնագավառում նոր մոտեցումներով հանդես գալուն, ինչի շնորհիվ պատանիների շրջանում կհանրայնացվի դասական, ազգային արվեստը, կսերմանվեն բարձր արժեքներ: