Պրեմիեր լիգայի վերսկսվող առաջնության առաջին տուրում ֆուտբոլիստները կկրեն հատուկ մարզաշապիկներ 

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Անգլիական Պրեմիեր լիգայի վերսկսման առաջին խաղում թիմերը հանդես կգան հատուկ մարզաշապիկներով:

«Արմենպրես»-ի հաղորդմամբ` այս մասին գրում է Times-ը: Ըստ պարբերականի, բոլոր թիմերի մարզաշապիկների վրա, որտեղ սովորաբար գրված է լինում ֆուտբոլիստների անունները` գրված կլինին «Black Lives Matter» (Սևամորթների կյանքը կարևոր է): Նման որոշումը աջակցություն է ստացել Պրեմիեր լիգայի ղեկավարության և բոլոր ակումբների կողմից:

Ավելի վաղ հայտնի էր դարձել, որ Պրեմիեր լիգայի ակումբները պաշտոնապես անցնում են խմբային մարզումների: Անգլիայի առաջնությունը, որը դադարեցվել էր մարտի 13-ին` կորոնավիրուսի պանդեմիայի պատճառով, կվերսկսվի հունիսի 17-ին:

Պատրաստեց Վարվառա Հայրապետյանը