«Արարատ-Արմենիա»-ի և «Լոռի»-ի ֆուտբոլիստները և անձնակազմը թեստավորվել են 

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի առաջնության բարձրագույն խմբի մի շարք ակումբներ կորոնավիրուսի թեստեր են հանձնել:

«Արմենպրես»-ի հաղորդմամբ` «Արարատ-Արմենիա» և «Լոռի» ֆուտբոլային ակումբի ֆուտբոլիստների, մարզչական շտաբի, աշխատակազմի COVID-19-ի բոլոր թեստերի պատասխանները բացասական են։

Հայաստանի Բարձրագույն խմբի առաջնությունը կվերսկսվի մայիսի 23-ին, իսկ Առաջին խմբի առաջնությունը՝ մայիսի 30-ին: Ինչպես Բարձրագույն, այնպես էլ Առաջին խմբի խաղերի վերսկսումից հետո կայանալիք առաջին տուրի հանդիպումները կանցկացվեն առանց հանդիսականների:

Պատրաստեց Վարվառա Հայրապետյանը