2 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ։ ՀՀ տարածքային կառավարման և ենթակառուցվածքների նախարար Սուրեն Պապիկյանի կորոնավիրուսի հայտնաբերման նպատակով հանձնած երկրորդ թեստի արդյունքները ևս բացասական են։
«Արմենպրես»-ի հաղորդմամբ՝ այս մասին «Ֆեյսբուք»-ի իր էջում գրել է նախարարի մամուլի խոսնակ Արմինե Մուրադյանը։
«ՆախարարՍուրեն Պապիկյանը երեկ կորոնավիրուսի երկրորդ թեստն է հանձնել, որի արդյունքները ևս բացասական են: Բացասական են նաև նախարարության մյուս աշխատակիցների թեստերը, որոնք շփում էին ունեցել վարակակիրների հետ և այդ պատճառով գտնվում էին ինքնամեկուսացման մեջ»,- նշել է Մուրադյանը:
Նրա խոսքով՝ նախարարն ու նախարարության աշխատակիցները կվերադառնան աշխատանքային բնականոն գործունեությանը՝ իհարկե, խստիվ պահպանելով անվտանգության կանոնները:
Սուրեն Պապիկյանն առաջին թեստը հանձնել էր մայիսի 13-ին, որը նույնպես բացասական էր եղել։
Օրեր առաջ կորոնավիրուսի թեստ են հանձնել նաև ՀՀ առողջապահության նախարար Արսեն Թորոսյանը և ՀՀ աշխատանքի և սոցիալական հարցերի նախարարները, ովքեր եղել են կոնտակտավորի կոնտակտավոր կամ հենց կոնտակտավոր: Նրանց թեստերի պատասխանները բացասական են եղել, սակայն ՀՀ աշխատանքի և սոցիալական հարցերի նախարար Զարուհի Բաթոյանը դեռևս ինքնամեկուսացած է։
Լիլիթ Դեմուրյան