Պորտուգալիայի ֆուտբոլի առաջնության վերսկսման ժամկետը հստակ է 

ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Պորտուգալիայի ֆուտբոլի առաջնությունը պաշտոնապես կվերսկսվի:

«Արմենպրես»-ի հաղորդմամբ` այս մասին հայտնում է առաջնության մամուլի ծառայությունը: Այն կվերսկսվի հունիսի 4-ին: Առաջնության կազմակերպիչները մրցաշրջանի վերսկսումից հետո մտադիր են խստագույնս պահպանել պանդեմիայի դեմ ուղղված անվտանգության բոլոր նորմերը:

Մինչև այս կայացել է Պորտուգալիայի առաջնության 24 տուր: Մրցաշարային աղյուսակի առաջատարը «Պորտու»-ն է:

Կորոնավիրուսին պանդեմիայի պատճառով մարտից ընդհատվել են եվրոպական մի շարք առաջատար երկրների առաջնությունները` բացառությամբ Բելառուսի առաջնության:

Պատրաստեց Վարվառա Հայրապետյանը