1 րոպեի ընթերցում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: The Beautified Project ալտերնատիվ ռոք խմբի անդամներ Անդրե Սիմոնյանը, Արմեն, Առլեն Շավերդյանները և թավջութակահար Ալեքս Միրզոյանը որոշել են ուրախացնել երկրպագուներին և Երևան-Լոնդոն տեսակապով կատարել են խմբի սիրված երգերից մեկը՝ «Black Wooden Nest»-ը:
«Արմենպրես»-ի հաղորդմամբ՝ ելույթի տեսանյութը հասանելի է համացանցում:
The Beautified Project-ի հայտնի երգերից են «All alone», «It’s a Little Late», «I Found a Way», «Lost Innocence», «Butterfly» և այլ ստեղծագործություններ: Անգլալեզու երգերից բացի՝ խումբը հանդես է գալիս հայալեզու կատարումներով: Այն նորովի է մատուցել այնպիսի հանրահայտ գործեր, ինչպիսիք են՝ «Արագիլ»-ը, «Կիլիկիա»-ն, «Երկու տուն ունիմ»-ը: Ձայնագրել է «Serenades for Insanity», «Behind the Happy Mask», «Beyond The Butterfly», «United We Fall», «Pale Nightingale» ալբոմները:
Անժելա Համբարձումյան