Եվրամիությունում քաղաքական ապաստան ստանալու դիմումների քանակը զգալի նվազել է
1 րոպեի ընթերցում
![Եվրամիությունում քաղաքական ապաստան ստանալու դիմումների քանակը զգալի նվազել է](http://armenpress.am/resized/480/static/news/b/2020/04/1013907.jpg)
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Եվրամիությունում քաղաքական ապաստան ստանալու համար դիմումների քանակը մարտին կիսով չափ նվազել է:
«Արմենպրես»-ի հաղորդմամբ, «Deutsche Welle»-ն նշում է, որ Ապաստանի աջակցության եվրոպական բյուրոն տեղեկացրել է՝ԵՄ անդամ երկրներում, ինչպես նաև Նորվեգիայում, Շվեյցարիայում, Լիխտենշտայնում և Իսլանդիայում մարտին եղել է 34 հազար 737 հայտ: Ինչը 43 տոկոսով քիչ է փետրվարից և հունվարից: Դրա պատճառը սահմանափակումներն են, փակ սահմանները՝ կապված կորոնավիրուսի հետ:
Նշվում է, որ հունվարին և փետրվարին գրանցվել էր դիմումների 15 տոկոս աճ նախորդ տարվա նույն ժամանակհ տվածի համեմատ: Թե հունվարին, թե փետրվարին գրանցվել էր 60 հազար հայտ:
Նոր կորոնավիրուսի առաջացրած հիվանդության բռնկումը 2019-ի վերջին գրանցվել է Կենտրոնական Չինաստանում, այնուհետև տարածվել 210-ից ավելի երկրում: Մարտի 11-ին Առողջապահության համաշխարհային կազմակերպության կողմից ճանաչվել է համավարակ (պանդեմիա)։