Ռոբերտ Քոչարյանը տեղափոխվել է Իզմիրլյան բժշկական կենտրոն
1 րոպեի ընթերցում
![Ռոբերտ Քոչարյանը տեղափոխվել է Իզմիրլյան բժշկական կենտրոն](http://armenpress.am/resized/480/static/news/b/2020/04/1013642.jpg)
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ։ ՀՀ երկրորդ նախագահ Ռոբերտ Քոչարյանը ապրիլի 28-ին տեղափոխվել է Իզմիրլյան բժշկական կենտրոն՝ հետվիրահատական հետազոտություն անցնելու համար։
Ինչպես տեղեկացնում է «Արմենպրես»-ը, այս մասին հայտնում է Ռոբերտ Քոչարյանի գրասենյակը։
«Հետազոտության արդյունքներով որոշում կկայացվի հետագա բուժման բնույթի վերաբերյալ»,- ասացին Ռոբերտ Քոչարյանի գրասենյակից։
ՀՀ երկրորդ նախագահ Ռոբերտ Քոչարյանի և մյուսների գործով դատական հերթական նիստը տեղի կունենա մայիսի 8-ին։ Քոչարյանը կալանքի տակ է 2019 թվականի հունիսի 25-ից։