Հրշեջները Երևանում ավտոմեքենայի հրդեհ են մարել

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնն ապրիլի 26-ին, ժամը 09:24-ին ահազանգէ ստացել, որ Երևանի Ավանեսովի փողոցի թիվ 1/2 շենքի բակում այրվում է ավտոմեքենա:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատների երկու մարտական հաշվարկ:

Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, պարզվել է, որ հրդեհը բռնկվել է BMW մակնիշի ավտոմեքենայում (վարորդ՝ Սիմա Մ., ծնված 1998 թ.). տուժածներ չկան:

Հրդեհը մեկուսացվել է ժամը 09:38-ին, մարվել՝ 09:39-ին: Ամբողջությամբ ջերմահարվել է ավտոմեքենայի շարժիչի հատվածը, իսկ սրահը՝ մասամբ: