Ձեր պայքարի շարունակությունն ապրում է մեր մեջ. Արթուր Ալեքսանյան 

ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Օլիմպիական խաղերի, աշխարհի և Եվրոպայի չեմպիոն ըմբիշ Արթուր Ալեքսանյանը Հայոց ցեղասպանությնա զոհերի հիշատակին նվիրված գրառում է կարատել:

«Մոռացում չկա։ Մեր խորին խոնարհումը սրբադասված զոհերի հիշատակին։ Ձեր պայքարի շարունակությունն ապրում է մեր մեջ»,- «Արմենպրես»-ի հաղորդմամբ` սոցցանցերի իր էջում գրել է Ալեքսանյանը:

Օսմանյան կայսրության կողմից 1915 թ. հայերի նկատմամբ իրականացված ցեղասպանությունը 20-րդ դարասկզբի մեծագույն ոճրագործությունն էր: Աշխարհասփյուռ հայությունը նշում է Հայոց ցեղասպանության 105-րդ տարելիցը: Ցեղասպանությունը ճանաչել և դատապարտել է մոտ երեք տասնյակ պետություն:

Պատրաստեց Վարվառա Հայրապետյանը