«Յուվենտուս»-ը կվաճառի Իգուաինին 

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Թուրինի «Յուվենտուս»-ը մտադիր է վաճառել Գոնսալո Իգուաինին:

«Արմենպրես»-ի հաղորդմամբ` այս մասին գրում է La Gazzetta dello Sport-ի թղթակիցը: Թուրինյան ակումբի նման որոշումը կապված 32-ամյա հարձակվողի բարձր աշխատավարձի հետ: Արգենտինացին «Յուվենտուս»-ում տարեկան ստանում է 7,5 միլիոն եվրո: Իգուաինին փոխարինողի դերում «Ծեր սինյորա»-ի ղեկավարությունը տեսնում է «Ինտեր»-ի հարձակվող Մաուրո Իկարդիին:

Գոնսալո Իգուաինը «Յուվենտուս» է տեղափոխվել 2016 թվականին: Մինչ այդ արգենտինացին հանդես է եկել «Ռեալ»-ում, «Նապոլի»-ում, «Միլան»-ում և «Չելսի»-ում: «Արքայական ակումբի» կազմում Իգուաինը երեք անգամ դարձել է Իսպանիայի չեմպիոն: «Նապոլի»-ի կազմում` Իտալիայի գավաթակիր և սուպերգավաթակիր, իսկ «Յուվենտուս»-ի հետ երկու անգամ հաղթել Սերիա Ա-ում, երկու անգամ էլ տիրացել Իտալիայի գավաթին:

Կորոնավիրուսի պանդեմիայի պատճառով Իտալիայի առաջնությունը դադարեցվել էր մարտի13-ին:Վերսկսվելու դեպքում այն կանցկացվի առանց հանդիսականների:

Ավելի վաղ հայտնի էր դարձել, որ Սերիա Ա-ի կազմակերպիչները մտադիր են առաջնության մասնակից թիմերին թույլատրել վերսկսել մարզումներն առաջիկա շաբաթվա ընթացքում,իսկ Սերիա Ա-ն կվերսկսվի մայիսի վերջին:

Պատրաստեց Վարվառա Հայրապետյանը