1 րոպեի ընթերցում
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Կիեւում կորոնավիրուսի հայտնվելը կանխելու համար քաղաքապետարանը որոշել Է մարտի 12-ից կիրառել սահմանափակիչ միջոցներ: Մասնավորապես, քաղաքում կսահմանափակվի բոլոր կրթական հիմնարկությունների՝ դպրոցների, բուհերի, մանկապարտեզների, մարզական եւ արվեստի դպրոցների աշխատանքը, ֆեյսբուքում հայտարարել Է քաղաքագլուխ Վիտալի Կլիչկոն, տեղեկացնում Է «Արմենպրես»-ը:
Նաեւ Ուկրաինայի մայրաքաղաքում կսահմանափակվեն զանգվածային միջոցառումները, այդ թվում՝ համերգները, խորհրդաժողովները եւ կինոցուցադրությունները: Կփակվեն ժամանցի կենտրոնները եւ զվարճանքների գոտիներն առեւտրաժամանցային կենտրոններում:
Կիեւի հասարակական տրանսպորտն առայժմ կաշխատի սովորական ռեժիմով: Սահմանափակումներն առայժմ մտցված են մինչեւ մարտի վերջը:
Ուկրաինայում կորոնավիրուսով վարակման՝ առայժմ միակ հաստատված դեպքն արձանագրվել Է Չեռնովցիում մի մարդու մոտ, որը եղել Է Իտալիայում, հաղորդել Է «Ինտերֆաքս»-ը: