1 րոպեի ընթերցում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Թայլանդի իշխանությունները հաստատել են կորոնավիրուսով վարակման երկու նոր դեպքը: «Արմենպրես»-ի փոխանցմամբ` այս մասին հայտնում է ՏԱՍՍ-ը` հղում անելով Թայլանդի Առողջապահության նախարարության ներկայացուցչի հայտարարությանը:
Տվյալների համաձայն` երկու անձինք, որոնց մոտ հայտնաբերվել է կորոնավիրուսը, մարտի 2-ին Իտալիայից Թայլանդ ժամանած խմբի անդամ են: Խմբի մյուս անդամները մեկուսացվել են և սպասում են թեստերի պատասխաններին:
Թագավորությունում կորոնավիրուսով վարակման դեպքերի թիվը հասել է 50-ի, հիվանդությունից բուժվել է 31 հոգի: Բժիշկների հսկողության տակ այժմ գտնվում է 4234 մարդ, որոնցից 1726 պահվում են հիվանդանոցներում:
Նոր կորոնավիրուսի (2019-nCoV) բռնկումը գրանցվել է 2019 թվականի դեկտեմբերի վերջին Կենտրոնական Չինաստանի ամենախտաբնակ քաղաքում՝ 12-միլիոնանոց Ուհանում: Առողջապահության համաշխարհային կազմակերպությունն այն ճանաչել է միջազգային մասշտաբի արտակարգ դրություն՝ բնութագրելով որպես համաճարակ՝ բազմաթիվ օջախներով: