1 րոպեի ընթերցում
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Թուրքիայի նախագահ Թայիփ Էրդողանը փետրվարի 12-ին հայտարարել Է, որ առնվազն 14 թուրք զինծառայող Է զոհվել Սիրիայի Իդլիբի նահանգում հանրապետության զինված ուժերի դիրքերի երկու գնդակոծման հետեւանքով, տեղեկացնում Է «Արմենպրես»-ը:
«Այսօրվա դրությամբ Իդլիբում ռեժիմի հարձակումների հետեւանքով մեր զոհված զինվորների թիվը 14 Է»,-ասել Է նա՝ ելույթ ունենալով խորհրդարանում:
Էրդողանը նաեւ հայտնել Է, որ Թուրքիան մտադիր Է ստիպել սիրիական զորքերին՝ մինչեւ փետրվարի վերջը դուրս գալ Իդլիբում թուրքական հսկիչ կետերի սահմաններից:
Թուրքիայի նախագահը հայտարարել Է, որ Անկարան պատրաստ Է ամեն տեսակ ուժ կիրառել եւ ստիպել Դամասկոսին՝ զորքերը դուրս բերել Իդլիբում թուրքական հսկիչ կետերի սահմաններից, հաղորդել Է ՏԱՍՍ-ը: