1 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Ղազախստանի հարավում կենցաղային վեճը զանգվածային ծեծկռտուքի և անկարգությունների պատճառ է դարձել, որի հետևանքով զոհվել է 8, վիրավորվել 40 մարդ: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, այս մասին հայտնել է Ղազախստանի տեղեկատվության և հանրային զարգացման նախարար Դաուրեն Աբաևը:
«Եղել է ողբերգություն, մարդիկ են զոհվել: Ցավոք, դա տեղի է ունեցել այդ թվում նաև սադրիչների շնորհիվ, ովքեր կենցաղային վեճը տեղափոխել են ազգամիջյան հարաբերությունների հարթակ»,- ասել է Աբաևը:
Զանգվածային անկարգության արդյունքում ձերբակալվել է մոտ 50 մարդ:
Այդ տարածաշրջաններում բնակվում են նաև դունգաններ: