Փրկարարները Տաշիրում մարել են բեռնատարի թափքում բռնկված հրդեհը. այրվել է մոտ 30 հակ անասնակեր
19:31, 14 Հունվար 2019
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը հունվարի 14-ին, ժամը 16:27-ին ահազանգ է ստացել, որ Լոռու մարզի Տաշիր քաղաքի Արցախի փողոցի թիվ 27 տան մոտակայքում՝ «ԳԱԶ-52» բեռնատար ավտոմեքենայի թափքում, այրվում է խոտի դեզ:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, Հրդեհը մեկուսացվել է ժամը 16:28-ին, մարվել՝ 16:29-ին:
Այրվել է մոտ 30 հակ անասնակեր:
Բաժանորդագրվեք մեր ալիքին Telegram-ում