1000х90.jpg (78 KB)

Երևանում՝ 11:07,   29 Մարտ 2024

Շարմազանովը Տարոն Մարգարյանին Երևանի հաջողված քաղաքապետ է համարում

Շարմազանովը Տարոն Մարգարյանին Երևանի հաջողված քաղաքապետ է համարում

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Ազգային ժողովի փոխնախագահ Էդուարդ Շարմազանովը կարծում է, որ Երևանի քաղաքապետ Տարոն Մարգարյանը հաջողված քաղաքապետ է: Խորհրդարանում լրագրողների հետ զրույցում, անդրադառնալով Տարոն Մարգարյանի հրաժարականի պահանջի մասին քննարկումներին, նշեց, որ երկու անգամ պատիվ է ունեցել ղեկավարել Տարոն Մարգարյանի նախընտրական շտաբը և տեսել է, թե ինչ ժողովրդականություն է նա վայելում: «Նա ընտրված քաղաքապետ է, նա երևանցիների շրջանում 70 տոկոսից ավելի ձայն է հավաքել»,- «Արմենպրես»-ի հաղորդմամբ՝ ասաց նա:

Նա նշեց, որ ՀՀԿ-ի օրակարգում Տարոն Մարգարյանի հրաժարականի հարց չկա: «Մեր օրակարգում ես հրաժարականի հարց չեմ լսել և իմ անձնական կարծիքն այն է, որ ցանկացած տեղական ինքնակառավարման մարմին, որն ընտրվել է ժողովրդի քվեով, պետք է իրականացնի օրենքով իրեն վերապահված գործողությունները: Ինձ համար անակնկալ է, որ վարչապետ Փաշինյանը ասում է, որ ինքը չի միջամտելու դատական համակարգի աշխատանքներին, սակայն միջամտում է ՏԻՄ-ի աշխատանքներին: Նա որքան իրավունք չունի դատական համակարգի աշխատանքներին միջամտել, նույնքան էլ իրավունք չունի տեղական ինքնակառավարման մարմինների աշխատանքին միջամտել»,- ընդգծեց նա:

Անդրադառնալով հարցին՝ բացառո՞ւմ է, որ կարող են բացահայտվել չարաշահումներ, որոնք կարող են հանգեցնել Տարոն Մարգարյանի հրաժարականին, Շարմազանովն ընդգծեց, որ չի ցանկանում որևէ բան բացառել կամ չբացառել՝ ընդգծելով, որ այն պաշտոնյան չէ, ով պետք է խոսի չարաշահումների կամ քրեական գործերի մասին: «Ես մի բան կարող եմ ասել, որ մենք օրենքով պետք է պաշտպանենք ինչպես լրագրողների, այնպես էլ տեղական ինքնակառավարման մարմինների, ընդդիմության և այլախոհների իրավունքները: Ով ուզում է լինի, չի կարող որևէ մեկին ստիպել որևէ բան անել, եթե չի հայտնաբերվել, որ նա անօրինականություն է արել»,- եզրափակեց Շարմազանովը:

Երևանում մի քանի օր տեղի են ունեցել բողոքի ակցիաներ՝ քաղաքապետ Տարոն Մարգարյանի հրաժարականի պահանջով: Մարգարյանը, սակայն, այդ պահանջներն անհիմն է համարում՝ նշելով, որ ընտրվել է ժողովրդի քվեով: Երևանի քաղաքապետի պաշտոնում իրեն տեսնում է ՀՀ նոր վարչապետ Նիկոլ Փաշինյանի թիմակից Ալեն Սիմոնյանը, ով Երևանի ավագանու «Ելք» խմբակցությունից էր, սակայն ստացել էր ՀՀ ԱԺ պատգամավորական մանդատ, իսկ մայիսի 22-ին հայտարարել է մանդատից հրաժարվելու, Երևանի ավագանի գնալու ու քաղաքապետի պաշտոնի համար պայքարելու մասին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]