Ժամանակը Երևանում՝ 11:07:36,   24 Հունիս

Հենրիխ Մխիթարյանը ճանաչվել է «Արսենալ»-ի փետրվար ամսվա լավագույն ֆուտբոլիստ


ԵՐԵՎԱՆ, 8 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանը ճանաչվել է «Արսենալ»-ի փետրվար ամսվա լավագույն ֆուտբոլիստ: Ինչպես հաղորդում է «Արմենպրես»-ը, այս մասին հայտնում է «Արսենալ»-ի պաշտոնական կայքը:

«Հայ ֆուտբոլիստը ամիսը սկսեց հրաշալի մարզավիճակում` «Էվերթոն»-ի հետ խաղում կատարելով երեք գոլային փոխանցում: Նա ևս երկու գոլային փոխանցում կատարեց Եվրոպայի լիգայում «Էսթերսունդ»-ի դեմ խաղում` նպաստելով 0-3 հաշվով հաղթանակին: Փաստացի Մխիթարյանը փետրվարի ամսվա ընթացքում գոլային փոխանցում է կատարել յուրաքանչյուր 65.8 րոպեն մեկ անգամ:

Մխիթարյանը փետրվար ամսվա «Արսենալ»-ի լավագույն ֆուտբոլիստի կոչման համար պայքարում շրջանցել է Նաչո Մոնրեալին և Աարոն Ռեմսիին, ովքեր զբաղեցրել են համապատասխանաբար երկրորդ և երրորդ հորիզոնականները:

 




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ