ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Բաժնետոմսերի համաշխարհային շուկան երկու շաբաթում միագումար կապիտալիզացիայի 5,2 տրիլիոն դոլար (կամ շուրջ 6 տոկոս) Է կորցրել վայրիվերումների պատճառով: Դա ինչպես տեղեկացնում Է «Արմենպրես»-ը, հաշվարկել Է S&P Dow Jones Indices-ից ինդեքսների ավագ վերլուծաբան Հովարդ Սիլվերբլաթը:

Նրա հաշվարկները հիմնված են ԱՄՆ-ում հունվարի 26-ի սակարկությունների փակումից մինչեւ փետրվարի 8-ը ներառյալ ընկած ժամանակամիջոցի տվյալների վրա:

Գումարի գրեթե կեսը (2,49 տրիլիոն դոլար) բաժին Է ընկնում ամերիկյան Standard & Poor՚s ինդեքսին: S&P 500-ը հունվարի 26-ին ձեռք բերած պատմական առավելագույնից իջել Է 10,6 տոկոսով, իսկ Dow Jones Industrial Average-ը նույն ժամանակամիջոցում կորցրել Է 10,4 տոկոս:

Bloomberg գործակալության գնահատումներով՝ բաժնետոմսերի համաշխարհային շուկայի կապիտալիզացիան վերջին բարձրակետից (հունվարի 28) կրճատվել Է ավելի Էականորեն՝ 5,95 տրիլիոն դոլարով, հունվարի 26-ից՝ 5,4 տրիլիոն դոլարով, հաղորդել Է «Ինտերֆաքս» գործակալությունը: