Երուսաղեմում սկսվել Է Շիմոն Պերեսի հետ հրաժեշտի արարողությունը
Երուսաղեմում Կնեսետի շենքի առջեւի հրապարակում սկսվել Է Իսրայելի իններորդ նախագահ Շիմոն Պերեսի հետ հրաժեշտի արարողությունը: Պերեսի դագաղի պատվանդանին ծաղկեսպակներ են դրել Իսրայելի տասներորդ նախագահ Ռեուվեն Ռիվլինը եւ երկրի վարչապետ Բենիամին Նաթանյահուն: Հրաժեշտի արարողության ուղիղ հեռարձակում Է իրականացնում իսրայելական հեռուստատեսության Իններորդ ալիքը, տեղեկացնում Է «Արմենպրես»-ը:
Պերեսի մարմինն ամփոփող դագաղը Թել Ավիվից Երուսաղեմ՝ Կնեսետի շենքի մոտ Է հասցվել սեպտեմբերի 29-ի վաղ առավոտյան բանակային բաց ավտոմեքենայով՝ յոթ մոտոցիկլետների եւ ոստիկանության հատուկ ուժերի ավտոմեքենաների ուղեկցությամբ:
Բոլոր ցանկացողները ժամը 09:00-ից մինչեւ 21:00-ն կկարողանան գալ հրապարակ եւ հարգանքի տուրք մատուցել Պերեսին: Ինչպես հայտնել Է հրեական պետության ոստիկանության մամուլի ծառայությունը, Երուսաղեմում սգո արարողությունների անվտանգությունն ապահովելու գործում ներգրավված են յոթ հազար ոստիկաններ:
Պերեսի հուղարկավորությունը տեղի կունենա սեպտեմբերի 30-ի կեսօրին Երուսաղեմում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում