Ռազմիկ Օլթեցյանը 5-րդ տեղում է
21:20, 26 Օգոստոս 2011
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Հայաստանի 77 կգ քաշային ծանրորդ Ռազմիկ Օլթեցյանը, ցույց տալով 288 կգ արդյունք երկամարտում (132 կգ՝ պոկում, 156 կգ՝ հրում վարժությունում), զբաղեցրել է 5-րդ տեղը Լեհաստանի Չեխանով քաղաքում ընթացող ծանրամարտի Եվրոպայի երիտասարդական առաջնության մրցաշարում: 313 կգ արդյունքով երկամարտում այս քաշային կարգում մրցաշարի հաղթող է դարձել Բելառուսի մարզիկ Սիրհայ Գարանինը:
Հիշեցնենք, որ այս մրցաշարում Հայաստանի ծանրորդ, 53 կգ քաշային Աննա Յայլյանը նվաճել է Եվրոպայի չեմպիոնուհու կոչումը, իսկ 69 կգ քաշային Անդրանիկ Կարապետյանը դարձել է առաջնության բրոնզե մեդալակիրը:
Բաժանորդագրվեք մեր ալիքին Telegram-ում