ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Եռակողմ հայտարարությունից մեկ տարի անց իրավիճակը Լեռնային Ղարաբաղում և Հայաստանի ու Ադրբեջանի սահմաններին շարունակում է լարված մնալ՝ վերջինիս կողմից զինադադարի շարունակական խախտումների պատճառով։ Միջազգային հանրությունը պետք է բարձր պահի ուշադրությունը՝ խուսափելու համար բռնության ցանկացած ձևի կամ համաձայնագրերի խախտման շարունակությունից: Ինչպես տեղեկացնում է «Արմենպրես»-ը՝ վկայակոչելով AGI գործակալությունը, այս մասին ասել է Իտալիայի խորհրդարանի պատգամավորների պալատի անդամ, խառը խմբակցության և պաշտպանության մշտական հանձնաժողովի անդամ, Coraggio Italia կուսակցության անդամ Ջորջո Սիլլին։

«Հայաստանի կողմից համագործակցության իրական ցանկություն կա, ճիշտ է նրան աջակցել բոլոր միջոցներով, որպեսզի այս տարածքը նույնպես կարողանա կայունանալ խաղաղ պայմաններում»,- եզրափակել է նա։