«Հայաստանի Հանրապետություն» օրաթերթ. Գյուղական ճանապարհների համար շինթույլտվություն չի պահանջվի
ԵՐԵՎԱՆ, 25 ՍԵՊՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: «Գործադիրը երեկվա նիստում հավանություն տվեց կառավարության 2015 թ. մարտի 19-ի որոշումում լրացում կատարելուն: Այդ որոշման նախագծի ընդունումը, ըստ քաղաքաշինության կոմիտեի նախագահի պարտականությունները կատարող Արմեն Ղուլարյանի, պայմանավորված է համայնքային նշանակության, այդ թվում՝ գյուղական բնակավայրերի ճանապարհների բարեկարգման ծրագրի արդյունավետ ապահովման եւ վարչապետի մոտ այս տարվա օգոստոսի 19-ին կայացած խորհրդակցության հանձնարարականների կատարման անհրաժեշտությամբ:
Հարց է ծագում՝ իսկ մինչ այս ճանապարհների բարեկարգման ծրագիրն արդյունավետ չէ՞ր: Պարզվում է, ըստ Ա. Ղուլարյանի պարզաբանման, կառավարության 2015 թ. մարտի 19-ի «Հայաստանի Հանրապետությունում կառուցապատման նպատակով թույլտվությունների եւ այլ փաստաթղթերի տրամադրման կարգը հաստատելու եւ կառավարության մի շարք որոշումներ ուժը կորցրած ճանաչելու մասին» որոշմամբ սահմանված է Հայաստանում կառուցապատման նպատակով թույլտվությունների եւ այլ փաստաթղթերի տրամադրման կարգը, որը չի սահմանում առավել դյուրին ընթացակարգ մարզերի համայնքների բնակավայրերում նախատեսվող՝ ոչ տարանցիկ, տեղական նշանակության ճանապարհների ընթացիկ վերանորոգման ու բարելավման համար: Ընթացակարգերը բարդ են, ժամանակատար եւ համայնքների սահմանափակ բյուջեների մասով կատարման համար ոչ ծախսարդյունավետ:
Ի՞նչ է առաջարկվում…»:
Նյութն ամբողջությամբ կարդացեք թերթի այսօրվա համարում։
Բաժանորդագրվեք մեր ալիքին Telegram-ում