ირანსა და აშშ-ს შორის მოლაპარაკებები შვეიცარიაში წარმატებით დასრულდა -პაკისტანის პრემიერ-მინისტრი

ირანსა და აშშ-ს შორის მოლაპარაკებები შვეიცარიაში წარმატებით დასრულდა. „არმენპრესის“ ცნობით, ამის შესახებ X-ის საკუთარ გვერდზე პაკისტანის პრემიერ-მინისტრმა შეჰბაზ შარიფმა განაცხადა.

Alhamdulillah, the First High-Level Committee Meeting under the framework of the Islamabad Memorandum of Understanding has concluded successfully in Bürgenstock, Switzerland.

The discussions were held in a positive and constructive atmosphere and yielded encouraging progress,… pic.twitter.com/uvA0SBKfvf

— Shehbaz Sharif (@CMShehbaz) June 22, 2026

„მადლობა ღმერთს, ისლამაბადის ურთიერთგაგების მემორანდუმის ფარგლებში უმაღლესი დონის კომისიის პირველი სხდომა წარმატებით დასრულდა შვეიცარიის ბიურგენშტოკში. დისკუსიები პოზიტიურ და კონსტრუქციულ ატმოსფეროში წარიმართა და გამოიღო იმედისმომცემი პროგრესი, მათ შორის 60 დღის ვადაში საბოლოო შეთანხმების მიღწევის საგზაო რუკაზე შეთანხმება, პოლიტიკური ზედამხედველობის უზრუნველყოფის მიზნით უმაღლესი დონის კომისიის შექმნა და შემდგომი ტექნიკური მოლაპარაკებების დაწყება“, - განაცხადა მან.

შარიფმა მადლიერება გამოხატა ყველა მოძმე და მეგობარი ქვეყნის მიმართ ამ „ისტორიული პროცესის“ წინსვლაში გაწეული მხარდაჭერისთვის, ისევე როგორც აშშ-ის, ირანის, კატარისა და შვეიცარიის მთავრობების მიმართ.

„პაკისტანი კვლავაც შეასრულებს თავის კეთილსინდისიერ და გულწრფელ როლს მშვიდობიანი და გრძელვადიანი მოწესრიგებისკენ მიმართული დიალოგისა და დიპლომატიის წინსვლის საქმეში“, - დაასკვნა შარიფმა.

შვეიცარიაში გამართულ მოლაპარაკებებში ამერიკული მხრიდან მონაწილეობდნენ აშშ-ის ვიცე-პრეზიდენტი ჯეი დი ვენსი, პრეზიდენტის საგანგებო დესპანები სტივ უიტკოფი და ჯარედ კუშნერი. ირანული დელეგაციის შემადგენლობაში იყვნენ მეჯლისის სპიკერი მოჰამად ბაღერ გალიბაფი და საგარეო საქმეთა მინისტრი აბას არაღჩი. ირანული სახელმწიფო მედიის ცნობით, შეხვედრა დაახლოებით 80 წუთს გაგრძელდა. პაკისტანმა და კატარმა შეხვედრის შემდეგ განაცხადეს, რომ ტექნიკური მოლაპარაკებები შვეიცარიაში ამ კვირაში უფრო დაბალი რანგის ოფიციალური პირების მონაწილეობით გაგრძელდება.