ვრაზიულ ეკონომიკურ კავშირდან გამოსვლის გადაწყვეტილების მიღება მხოლოდ სომხეთს შეუძლია - ფაშინიანი

ევრაზიულ ეკონომიკურ კავშირში სომხეთის სტატუსის საკითხის განხილვა მხოლოდ სომხეთს შეუძლია. „არმენპრესის“ ცნობით, ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.

ევრაზიულ ეკონომიკურ კავშირში სომხეთის წევრობის თემაზე საუბრისას, ფაშინიანმა აღნიშნა, რომ კავშირის რეგულაციებით, წევრი ქვეყნის გასვლის შესახებ გადაწყვეტილება მხოლოდ თავად ამ სახელმწიფომ შეიძლება მიიღოს.

„ევრაზიულ ეკონომიკურ კავშირში სტატუსის საკითხის განხილვა, ორგანიზაციის რეგულაციების თანახმად, მხოლოდ სომხეთს შეუძლია. ევრაზიულ ეკონომიკურ კავშირის წევრს მხოლოდ თავად შეუძლია გადაწყვიტოს გასვლა, სხვა პროცედურა არ არსებობს. ჩვენ შეგვიძლია ნებისმიერი საკითხი განვიხილოთ და, ვვარაუდობ, რომ ჩვენს პარტნიორებს შეიძლება გაუჩნდეთ კითხვები, ჩვენ კი ყველა კითხვას მოთმინებით ვუპასუხებთ“, - განაცხადა პრემიერ-მინისტრმა.

უფრო ადრე, რუსეთის ფედერაციის ვიცე-პრემიერმა ალექსეი ოვერჩუკმა „ტასს“-ისთვის მიცემულ ინტერვიუში განაცხადა, რომ 29 მაისს ასტანაში დაგეგმილ ევრაზიული ეკონომიკური კავშირის უმაღლესი საბჭოს სხდომაზე წევრი ქვეყნების ლიდერები კავშირში სომხეთის სტატუსის საკითხს განიხილავენ.