1 წუთი კითხვის
სომხეთის ეროვნული ასამბლეის თავმჯდომარე ალენ სიმონიანი, საპარლამენტთაშორისო კავშირის 152-ე ასამბლეის ფარგლებში, სტამბოლში თურქეთის დიდი ეროვნული ასამბლეის თავმჯდომარე ნუმან ქურთულმუშს შეხვდა.
„არმენპრესის“ ცნობით, ამის შესახებ ალენ სიმონიანმა „ფეისბუქის“ საკუთარ გვერდზე დაწერა.
„საპარლამენტთაშორისო კავშირის 152-ე ასამბლეის ფარგლებში შეხვედრა ასევე გავმართე თურქეთის პარლამენტის - დიდი ეროვნული ასამბლეის თავმჯდომარე ნუმან ქურთულმუშთან“, - დაწერა სიმონიანმა.
შეგახსენებთ, რომ ალენ სიმონიანი სტამბოლში ასევე შეხვდა აზერბაიჯანის პარლამენტის თავმჯდომარე საჰიბა გაფაროვასა და საქართველოს პარლამენტის ხელმძღვანელ შალვა პაპუაშვილს.