სომხეთისა და ესტონეთის საგარეო საქმეთა მინისტრების პირისპირ შეხვედრა გაიმართა

სომხეთის საგარეო საქმეთა სამინისტროში გაიმართა სომხეთის საგარეო უწყების ხელმძღვანელის, არარატ მირზოიანისა და ესტონეთის საგარეო საქმეთა მინისტრის, მარგუს ცაჰკნას პირისპირ შეხვედრა.

„არმენპრესის“ ცნობით, ამის შესახებ სომხეთის საგარეო საქმეთა სამინისტროს სპიკერმა ანი ბადალიანმა განაცხადა.

პირისპირ შეხვედრის შემდეგ დაიწყო სომხეთისა და ესტონეთის საგარეო საქმეთა მინისტრების შეხვედრა გაფართოებული შემადგენლობით, რის შემდეგაც მინისტრები პრესკონფერენციას გამართავენ.

ესტონეთის საგარეო საქმეთა მინისტრი სომხეთში 9 აპრილს ეწვია, რათა მონაწილეობა მიეღო ერევანში ესტონეთის რეზიდენტი საელჩოს გახსნის საზეიმო ცერემონიაში.