საგარეო საქმეთა და საერთაშორისო ვაჭრობის მინისტრმა ოპოზიციასთან TRIPP-ის ირგვლივ ღია და დახურულ ფორმატებში განხილვების გამართვის მზადყოფნა გამოთქვა

სომხეთის საგარეო საქმეთა და საერთაშორისო ვაჭრობის მინისტრმა არარატ მირზოიანმა მზადყოფნა გამოთქვა ოპოზიციონერ დეპუტატებთან დამატებით განიხილოს TRIPP-ის შესახებ შეთანხმებასთან დაკავშირებული საკითხები და შეშფოთებები, როგორც ღია, ისე დახურულ ფორმატში.

„არმენპრესის“ ცნობით, ეროვნულ ასამბლეაში მშვიდობის საბჭოს წესდების რატიფიცირების პროექტის განხილვის დასკვნით გამოსვლაში მირზოიანმა დააფიქსირა, რომ უშუალოდ განსახილველ საკითხზე არსებითი დებატები არ გამართულა, ხოლო განხილვის ძირითადი ნაწილი წინა საკითხს TRIPP-ის შეთანხმებას ეხებოდა.

მინისტრმა დადებითად შეაფასა მშვიდობის საბჭოს წესდებასთან დაკავშირებით ფრაქცია „ძლიერი სომხეთის“ მიერ გამოხატული პოზიცია და კვლავ მოუწოდა მათ, მხარდამჭერი პოზიცია დაიკავონ TRIPP-ის ჩარჩო შეთანხმების რატიფიცირების საკითხშიც.

„თუ ჯერ კიდევ არის კითხვები, თუ ჯერ კიდევ არის შეშფოთებები, როგორც გუშინ ვთქვი, როგორც ღია, ისე დახურულ რეჟიმში მზად ვარ თქვენ მიერ დასახელებულ ვადაში მოვიდე განხილვაზე“, - განაცხადა მან.